RUAHSANNAK THUTHANGTHA

    "Cutiin a si ruangah nan sualnak cu pakhat le pakhat hnenah phuang ton aw uhla thlacam ton aw uh; cutiin harhdamnak nan ngah ding. Mi dingih thlacamnak cu a cak zet ih hmual a nei a si."  James 5:16 Q1. Pathian hmaiah ka sual zo, a ngaidam tlak ka si nawn lo tiah caan hmang ringring in na um pang maw? Ans: Pathian hnenah thlacam awla; Anih cun na thinlungih ruahnak sual pawl hmuahhmuah tiang a lo ngaidam thluh hai ding a si. Mi hmuahhmuah ngaidam theitu a si kha thei ringring aw! Q2. Na kiangkap ih harsatnak pawl ruangah hin thinphang in na um maw?  Ans: Pathian hnenah thlacam awla; Anih cun minung ruahban lo mi thinlung daihnak cu Khrih ah him tein ka lo kilkhawi ding a si tiah thu in tiam. Daihnak Siangpahrang a si kha thei ringring aw! Q3. Taksa lam daan ah nun tawntai zetin nazi 24 sung rori caurau in na um pang maw? Ans: Pathian hnenah thlacam awla; Anih cun na tuar mi harsatnak hmuahhmuah sungin luatnak a lo pe ding a si. A cakbik Pathian a si kha thei ring...

''Cuticun Khrih ruangah ka țonțaih tikah siseh, hmuhsuam nautatnak, mangbang vansannak, hremnak le harsatnak ah siseh, lungkim zet in ka um thei zo. Ziangahtile ka țonțaih caan hi ka cah laitak a si''  2 Kor. 12:10 Na taksa țonțaih zet ih na um tikah beidawng in na um pang maw Sii-bawi thiambik/țhabik a si mi Jesuh hnenah rak sim awla, damcahnak a lo pe ding. Midang ih hmuhsuam nautatnak na ton tik caan ah nangmah ten mal takin na um pang maw Kan dinhmun a niam, a sang le milian tawpkhawk kan silo hmanah, kan kiang naiah in țawiawm dingin a ready ringringtu Thiang Thlarau biak/sawm mai aw. Mangbang vansannak na ton tik caan ah thinhar zet in na um pang maw Ruahsannak thar lo pe dingin Bawi Jesuh cun ziangtikah ka hnenah a ra kir sal ding tiah a lo hngak ringring a si, tlai hrimhrim hlah aw. Jesuh Khrih na zumnak ruangah hin zumlo tu le a hming men ih zumtu pawl hnen ihsin hremnak maksak na tuar dah zo maw A thlah mi a Fapa Jesuh khal in Paa ih duhnak tuah hi a duhbi...

Topic: A SUNGLAWI PUAI PI Text: Exodus 23:14-19 Introduction Tuih thla hi October thla a si. Thuanthu kan rak zoh a sile “Israel pawl hrangah a tuih thla hi holiday/holydays an hman thla” a si bangtuk in an rampi calendar sungah official in ngan khum mi a rak si. Cumi ah “Pathian in a hril mi Israel pawl” EGYPT sal sung ihsin “luatnak/nun zalennak an ngah Thla le a pekmi a thlawsuah pawl hngilhlonak ah le lungawi thusimnak puai thianghlim” tuah dingin a fial hai. Pathian ih thupek a si ti’n kum tinten kar sarih cawlh an lak theu, ih an parih Bawipai’ thatnak an lawm tlang (puai an tuah tlang). Cubangtuk in kan nih Chin mi pawl khal in October thla hi “Chin Kum Thar Puai” ti’n sunglawi theibik in kum tinten kan rak hmang theu. Cunah “Thlaithar Puai” le “Rawl Khawm Puai” a kop in kan hmang kem theu. Kan pupa pawl ih an hman dan pawl thuanthu kan zoh a sile thlaithar puai kan hman thla hi Lai kum an siar ti a si. The Context Kan zoh tikah caang 10-19 tiang kha a kom aw thluh dingmi a si...