Kan Tonțaih Lai Caan Hi Khrih Ah Kan Cahnak

2 Kor. 12:10
''Cuticun Khrih ruangah ka țonțaih tikah siseh, hmuhsuam nautatnak, mangbang vansannak, hremnak le harsatnak ah siseh, lungkim zet in ka um thei zo. Ziangahtile ka țonțaih caan hi ka cah laitak a si''

Na taksa țonțaih zet ih na um tikah beidawng in na um pang maw

Sii-bawi thiambik/țhabik a si mi Jesuh hnenah rak sim awla, damcahnak a lo pe ding.

Midang ih hmuhsuam nautatnak na ton tik caan ah nangmah ten mal takin na um pang maw

Kan dinhmun a niam, a sang le milian tawpkhawk kan silo hmanah, kan kiang naiah in țawiawm dingin a ready ringringtu Thiang Thlarau biak/sawm mai aw.

Mangbang vansannak na ton tik caan ah thinhar zet in na um pang maw

Ruahsannak thar lo pe dingin Bawi Jesuh cun ziangtikah ka hnenah a ra kir sal ding tiah a lo hngak ringring a si, tlai hrimhrim hlah aw.

Jesuh Khrih na zumnak ruangah hin zumlo tu le a hming men ih zumtu pawl hnen ihsin hremnak maksak na tuar dah zo maw

A thlah mi a Fapa Jesuh khal in Paa ih duhnak tuah hi a duhbik mi a si ruangah sualnak neilo, kan mai hrangah hremnak maksak a tuar ih a nunnak tiang a hlan ngam a si. Lungkim zet in tuar ko uh si Amai cahnak ring in tuar ko uh si.

Duhdawtmi u le nau pawl hi thil hmuahhmuah ruangah hin Bawipa na vuihram dah maw? Bawipa ih salpa a si mi Job ih nundan le a tuarnak pawl mangsal uh si. A nunnak ahhin leilungtlun mi pawl ih kan ton mi harsaknak pawl hmuahhmuah hi a pahtlang thluh zotu a si. Asinan, a netnak ahcun nehnak maksak a nunnak ah Bawipa in a pek a si. Curuangah kan damsung caan tawite sungah kan mai tithei tawk cio in, cahnak in pe theitu Khrih hrangah ah tuan sinsin uhsi. A siartu Bawipai' siahhlawh nan zate tlunah a nung kan Paa in thazang cahnak le thil titheinak humham lo pe cio hram seh.

Amen.