"Cutiin a si ruangah nan sualnak cu pakhat le pakhat hnenah phuang ton aw uhla thlacam ton aw uh; cutiin harhdamnak nan ngah ding. Mi dingih thlacamnak cu a cak zet ih hmual a nei a si." James 5:16
Ans: Pathian hnenah thlacam awla; Anih cun na thinlungih ruahnak sual pawl hmuahhmuah tiang a lo ngaidam thluh hai ding a si. Mi hmuahhmuah ngaidam theitu a si kha thei ringring aw!
Q2. Na kiangkap ih harsatnak pawl ruangah hin thinphang in na um maw?
Ans: Pathian hnenah thlacam awla; Anih cun minung ruahban lo mi thinlung daihnak cu Khrih ah him tein ka lo kilkhawi ding a si tiah thu in tiam. Daihnak Siangpahrang a si kha thei ringring aw!
Q3. Taksa lam daan ah nun tawntai zetin nazi 24 sung rori caurau in na um pang maw?
Ans: Pathian hnenah thlacam awla; Anih cun na tuar mi harsatnak hmuahhmuah sungin luatnak a lo pe ding a si. A cakbik Pathian a si kha thei ringring aw!
Q4. Nangmah le nangmah kha zianghman tuah thei mi ka nei lo tiah midang thawn tahthim rero in na caan a liam pang maw?
Ans: Pathian hnenah thlacam awla; Anih cun a diltu hmuahhmuah parah fimnak, lennak le hmin thannak pawl cu siang zetin mi a pek a si. Fimnak neitu Pathian a si kha thei ringring aw!
Q5. Thlarau, taksa le thinlung lamah a na-mi nan um pang maw?
Ans: Pathian hnenah thlacam awla; Anih cun na natnak pawl hmuahhmuah sung ihsin a lo luatter dingih a lo damtersal ding a si. Damnak neitu Pathian a si ti kha thei ringring aw!
🔋Tuih na dinhmun a theifiang biktu cu nangmah na si ih a Rundamnak laksawng in pekmi a cotu na si le silo khal a fiangbiktu na si. Cucu ziangtin hmailamah na feh vivo tum ti kha a tupi ngaingai mi a si fawn. Hril dingmi pahnih na nun ah a um: zumnak thawn nun thar a zawhtu si ding le a hlanih na nunhlun kha kaihnget in feh. Asinan, Pathian cun a ziamral thluh lai dingmi hi leitlun hlawnthil ah pehzom awknak silo in Amah thawn cetlo ih pehzom awknak neitu si dingah in sawm a si. Siatralnak lamzin ah silo in, a thlahmi a Fapa zum hngettu le a dungthluntu dik-tak si dingah in hril a si. Curuangah zumnak thawn nun thar a zawhtu kan si theinak dingah Pathian hnenah thlacam uh si.