RUAHSANNAK THUTHANGTHA

Nitin in harsatnak a ra thleng ringring, asinan Pathian in zangfahnak a tharin in pe hai. Ṭah 3:22-23 sungah, “A hmunmi Bawipa ih duhdawtnak cu a cem dah lo; A zaangfahnak cu cem ni a nei lo; Zingtinte a thar ringring; Rintlak a sinak cu mangbangza a si,” a ti. Tuih ni ziangvek caan khal na hmaton a si hmanah, Pathian ih zangfahnak cu na hrangah a tha tawk a si. Mani ih a lo pekmi thazaang cahnak kha ringin nung a ṭul lo; tuihsun hrangah Pathian ih zaangfahnak thar a lo pe bet sawn hrih ding. A zangfahnak in tuini ah in bawm ih, a thutiam cun thaisun ah in humhim. Jeremiah 29:11 ah in rak sim micu, “ Nan hrangih tumtahnak ka neihmi cu keimah lawngin ka thei. Tumtahnak ka neihmi cu siatralnak si loin mi neinung nan sinak dingah a si; cuih tumtahnak cu nan ruahsannak le nan hmailam hrang a si. ” tiah a ti. Zumtu kan si vekin, hmailam thil thleng dingmi cu ṭih ding kan si lo, ziangahtile kan rianmi Pathian kut sungah cun thil ziangkim hi anih in a nei thluh. Kan ruahsannak cu a ...

Hringnun hi fiangten theih a theih lo, asinan thudik pakhat cu a thlengh aw dah lo: Jesuh kut sungah na him. Amah rori in Johan 10:28 sungah, “An hnenah kumkhaw nunnak ka pe ih, an hloral nawn lo ding; zohman in ka kut sung ihsin an runsuak lo ding” tiah thu a tiam. Himi theih hi hnangamnak a si. Zianghman ṭihnak, harsatnak a um lonak, Thihnak hmanin a lo ṭhen thei lo. Khrih sungah humhimnak na neih ruangah, thaisun hrangah donhar in na um thei lo. Na thilrit a lo sawng thei ding ih, Na mitthli khal a lo hnul sak theitu dingah a kut cu a cak tawk ko. Thazaang na neih lo tikah Isaiah 41:10, “Ṭih hlah, na hnenah ka um. Keimah hi nan Pathian ka si. Nan thinphang hlah uh; Keimah in ka lo cakter ding ih ka lo bawm ding. A dingmi ka huham thawn ka lo hum ding,” tiah a ti. Curuangah nan thinphang hlah uh. Runtu Bawi in a lo kaihnget dingih na thlaphang lo ding. Leilungpi a her aw thei ih thlipi a hung suak thei, asinan a kut ihsin a lo thlah dah lo ding. A duhdawtnak sungah cawl awla...

💥Tuih ni ziangvek thil harsa na hmuh/ton khalah, Pathian in a lo umpi a si ti kha cing ringring aw. Hebru 13:5 in, “Ka lo tlansan lo ding ih ka lo hnong lo ding” tin a ti. Nangmah te lawngin na feh lo ding, Pathian in a lo kulh ṭheh a si. 💥Harsatnak na tonmi pawl cun na hrangah tumtahnak an nei. Rom 8:28 in fiangten in sim, “Ziangkim ah Pathian in amah duhdawttu pawl hrangah hna a ṭuan.” Hringnun harsa zet vekih kan um lai khalah Pathian cun a lo tuah, na zumnak a lo cakter ih, na hmailam ih thil ropi sawn cu a timlam. 💥Nehnak cu Khrih ah na ta a si zo. 1 John 5:4 in in theihter sal, “Pathian faate pawl in leitlun an neh.” Ziangvek thlipi na ton khalah zumnak thawn kai hnget aw, ziangahtile Jesuh thawn cun nehtu na si sawn.

  Topic: “ Sual Ih A Poimawh Zia ” (The Seriousness of Sin) Text: Matthew 18:6-9 “Zokhal in hi nauhakte pakhatkhat keimah i zumnak ihsin a pialtertu cu a hngawng ah fangcang rialnak lungtum thlaih tahratin tifinriat sungah thlak sisehla amah ih hrangah a ṭha sawn.”   INTRODUCTION Khuat pakhat thawn tidai a thiangfai zetmi na kutah na keng vekin rak ruathnik. Cuih na khuat sungah thihsii(poison) forkhat te in a sungih tidai a in tu thahnak a rak cang. Sualnak cu thil ṭha a siatsuah theinak dingah malte lawng a duh. Jesuh in Mathai 18:6-9 sungah mi dang pawl tlukbahnak ih thupitzia le zamrang zetih tuah ṭulmi thuhla ah ralrinnak in pek. Thuthangṭha cabu sungih Jesuh in ralringnak tha zet a pekmi pakhat a si. Sual ti mi cu ngaidam ding a si lo ih, zangfahten thiam lo teih tuamhlawm ding khal a si fawn lo tiah in sim. Ziangruangah? Ziangruangahtile sual cun pehtlaihawknak a siatsuah, thinlung a baalter, cule Pathian hnen ihsin hlapi ah mi a hruai. John Owen said, ...

🔄Zumtupawl hrangah cun thihnak cu a cemnetnak a si lo, Khrih thawn kumkhua nunnak kan neih theinak dingah a thok a si. 1 Korin 15:55 in hitin a ti, Maw thihnak, khuiah so na nehnak cu a um? Maw thihnak, khuitawk ah so na minehnak tur cu a um?" tiah a ti. Jesuh sungah cun mithi cu a huham a hloh ih sunlawinak sangka ah a cang. 🔄Zumtu pawl hrangah cun Vanram cu an inn taktak a si. Philippi 1:21 sungah fiangtein in rak sim, Ziangahtile ka hrangah nun cu Khrih a si ih, thih cu a hlawk a si. Zumtu pawl hrang ahcun thihnak sullam cu natnak, riahsiatnak le mitthli tlaknak a um lonak hmun Pathian umpinak sungih lut tinak a si. 🔄Zumtu pawl hrangah cun Thihnak cu nehnak a si, ziangruangahtile Pathian thutiamkam a famkimter. Thuphuan 21:4 sungah kan mitthli hmuahhmuah in hnul sak thluh ding tiah in sim. Khrih a thluntu pawl hrangah cun thihnak cu nunnak lukhuh kan ngah ih, in Rundamtu hmaiton teih kan hmuh tinak a si.

🍀Saam 118:24 🍀Thusimtu 9:4 ✍ Hringnun hi thih hnakin a țha deuh, ziangahtile nitin hi Pathian ih thilpek kan si. Tuini hi Bawipa ih tuahmi ni a si; lungawi aipuang in um uhsi tiah a ti. Nung kan si ruangah a țhatnak kan hmuh theinak ding can remcang kan nei ringring. ✍ Nun timi hi ruahsannak a si. A nungmi hmuahhmuah in ruahsannak an nei tiah a ti. Hringnun hi harsatnak ziangvekin a si hmanah Pathian in thil ziangkim a her thei. ✍ Nun timi in kan ul mi in pek. Thaw kan thawh sungah, Pathian kan duhdawt thei, mi kan ngaidam thei ih, sunlawinak kan pe thei a si. Lungawi aipuannak le amah rinsannak thawn nun hmang aw.