KHRISTIAN PAKHAT IH TUANVO LE THLAWSUAH

 

Hebrews 3:12-15

12 Zumtu u le nau pawl, a nungmi Pathian tlansan duh khop tiangih a ṭha lomi le, zum lonak thinlung nan neih lonak dingah ralring uh. 13 Cuhnakin sualnak ih bummi nan si lonak dingah le mi lungruh nan si lonak dingah Ca Thianghlim in “Tuihsun,” a timi ṭongfang hi kan hrangah sullam neimi a si sung ahcun, nitinte pakhat le pakhat bawm aw sawn uh. 14 Ziangahtile a hramthok ihsin kan rak comi thinlung hnangamnak kha a netnak tiang kan kaihnget thei a si ahcun kan zatein Khrih ih hawipi kan si ding. 15 Ca Thianghlim in, “Tuih sunah, Pathian aw nan theih asile, Nan pupa pawl in Pathian an rak dodal vek cun nan lung ruhter hlah uh,” a ti.

 

Introduction

Kan nun damsungah hin thupi zet ih thil cangmi kan nei cio, cumi pawl cu “suah ni, graduation ni, thit-umnak ni le kan thih ni” tivek pawl pawl hi an si. Puai thupi zet  le sunglawi thei bik in kan lawm/kan hmang theu Bawipa ih thlawsuah a si ti ah. Asinan kan thih ni” hi cu zohman in kan thei lo asinan cumi cu kan nun ah cang suak ve lo ding in tlansuak kan duh cio nan tlansuak thei tu kan umlo. Curuangah a thupi bik mi cu a thlah mi Jesuh zum ih kaihnget kha a si. Kan hnatuannak ah teimakzet in kan tuan ih hlawhtlinnak kan hmuh tik ah si seh, Bawipa ih pek mi a thlawsuah tampi kan dawn tik lawngih a lungawi thei tu si hlah uh si. A thlawsuah kan dawn mi pawl kha a thupi bik ah kan ret Amah kan hngilh pang ding phan a um tuk ralring cio ding in Bible in fiangten in zirh. Curuangah na comi thinlung hnangamnak kha tha ten kaihnget mai aw. Zumtu pakhat ih kan tuanvo cu Bawipai pek mi thlawhsuah pawl tha ten kilkhawi hi a si. Cumi in Bawipai fahniang na sinak a lang ter sinsin.

I.                Pathian cu kan Pa a si (1 John 3:1)

A.    Pathian kan Pa ih thlawsuahnak pawl ruat hnik

1.     A ṭhami le a famkimmi laksawng hmuahhmuah cu vancung ihsin a rami an si- James 1:17; Matt. 7:11.

2.     Harsatnak a phunphun lakah in bawmtu- 2 Cor. 1:3-4.

3.     Bawipa in a duhdawt mi cu nun a sim- Heb. 12:5-11.

4.     Ka lo tlansan lo ding ih ka lo hnong lo ding- Heh. 13:5-6.

B.    Pathian cu kan Pa ih kan neih ruangah mawhphurnak tumpi a nei

1.     A duhnak tuah ding- James 4:7

a.      A thuthlun ding(tuanvo in pek mi pawl)

b.     Amai bomnak ring in thlun ding- 1 Peter 5:6-11

2.     Pathian pan uhla a lo pan ve ding- James 4:8

a.      Faale in pa an pan/naih bang in Pathian pan uh si- Matt 23:37.

b.      Nan kut kholhfai uhla, nan thinlung thiangter uh- James 4:8

II.             Jesuh Khrih cu Bawipa le kan Puithiam Saang a si (1 Kor. 6:8; Heb. 4:14)

A.    Rei lo te a thlawsuah pawl ruat hnik aw

1.     Bawipa cu leilungtlun ih uktu le thu nei tu siangpahrang pawl tlun ih thu neitu sangbik a si- Thuphuan 1:5-6.

a.      “Lei le vanih thuneihnak hmuahhmuah pek a si- Matt. 28:18.

b.     Ziang hmuahhmuah tlun ih thuneitu sinak pek a si- 1 Peter 3:22.

c.      Ka unau tiah in kawh a si- Heb.2:11-12.

2.     Kan hrangah Pathian hnenah a dil Puithiam dinhmin in- Rom.8:34.

a.      A nih cun kan harsatnak a thei ih in bawm- Heb. 2:17-18.

b.     Kumkhua in a nung ih kumkhua ih Puithiam Sang a si ruangah Pathian hnenah kan tul mi in dil sak ringring- Heb.2:24-25.

B.    Jesuh kan Puithiam Sangih kan ret ruangah ziang so mawhphurnak kan nei?

1.     Kan Bawipa taktak ahcun a sim vek kan tuah ding- Luke 6:46.

a.      In sim, in zirh mi pawl tha ten kan ngai a tul- Matt.28:18-20.

b.     A thupek kan thlun a tul- John15:10,14.

III.           A Thlarau Thianghlim kan sungah a um (1 Kor 3:16)

A.    Thlarau Thianghlim umnak ah thlawsuahnak a um.

1.     A Thlarau thawngin cahnak huham co- Eph. 3:16,20.

2.     Kannih cu a ṭawnṭaimi kan si ruangah Thlarau in Pathian hnenah in dil sak- Rom. 26-27.

B.    Thlarau Thianghlim a lungawi theinak dingah ziang mawhphurhnak na nei

1.     A biakinn thianghlim ten ret- 1 Kor 3:16-17

2.     Pathian sunlawinak hrangah man pek ih lei mi na na si- 1 Kor 6:18-20.

3.     Thlarau rah tampi rah suah ih a duh mi thlun hi a si- Gal.5:16-18, 22-25.

4.     Thlarau ih fial mi vek in a thlun tu pawl cu nunnak le daihnak an ngah- Rom. 8: 5-6.

Conclusion

Khristian(Khrih a zumtu) pawl kan nun ah “thlawsuah” ti mi thu thawn pehpar in sim ding tampi kan nei cio ko ding. Ziangahtile thlawsuah kan ti tik ah lei-thlawsuah le van-thlawsuah ti ah phun hnih ah then theih mi a si. Hi nah cun lei-thlawsuah lam hnak in van-thlawsuah lam thu sawn hi uar zet in sim ka duh hai. Leilungtlun ih um lai kan si vek in kan comi thlawsuah pawl cu an bang awk cio lo ih kan tul mi le kan duh mi thil pawl khal an bang aw thluh thei lo nan Pathian cun kan tul mi le kan duh mi thil pawl cu kan dil hlan ah in pe theu a si a faa le pawl hnenah. Cu vek in a thlawsuah kan dawng le ve ten Pathian in tuanvo in pek zumtu kan nun ah hin. Hi leitlun ah harsa zet in nun na hmang men thei, ziangkim nei tu Pathian ih faa na si kha hngilh hrimhrim hlah aw mi lian bik ih faa na si. A nih cun nun nem le tangdornak thawn na hrangah a thi ih thihnak in a neh thei lo umsun a nung Pathian, thihnak in a tho sal tu lak ah Bawi bik, thu nei tu pawl hmuahhmuah lak ah thu nei tu sang bik ih fa na si kha hngilh hrimhrim hlah. Thin har le beidawng zet ih na um lai ih a lo hnem ringring theu tu le ruahsannak thar pe ringring tu Thiang Thlarau na sungah a um ruangah neh tu na si kha hngilh hrimhrim hlah aw. Cu hnak in mi neih nung le mi thlawsuah na sinak kha midang hrangah mi thlawsuah na si sin sin theinak ding in Bawipa in lo bawm hram seh.