Joshua 1:10-11,17
10 Cule Joshua in Israel mi hruaitu pawl cu, 11“Nan riahnak hmun kipah feh uhla ‘Nan in ding le nan ei ding timtuah thluh uh, ziangahtile ni thum sungah Jordan tiva nan tan ding ih Bawipa nan Pathian in a lo pekmi ram cu nan co ding a si,’ tiin va sim uh,” tiah thu a pek. 17 Moses ih thu kan thlun vek thotho in na thu kan lo thlun ding; Bawipa na Pathian cu Moses hnenih a um bangtuk in na hnenah um hram seh.
Introduction
Hi mi bungcang thaten kan zoh a silen ZUMTU pawl kan thlarau hrangah si seh, kan pumcawmnak lam khal ah si seh timtuahnak tha neih a thu pitzia a rak sim. Hna pakhat kan tuan ding tik ah timtuahnak mumal a nei cuca lo tu le timtuahnak tha zet nei ih a tuan tuih ngah mi cu an bang aw thei dah kel lo. Cuvek thotho in thil a thleng awk ding tinten timtuahnak ti mi cu a um ringring a si.Thlengawk top ti cu a um khal a si men thei nan tluang zurvi tivek an mal ngai ngai. Asinan a hlan hnak ih tha suan le hngatawk a tlak sawn kha kan hril sawn theu silo sawm! Curuangah si kha thil ziangkim hi tluang theh/ tha theh hai sehla kan duh bik theu a si lo sawm!
Hi mi bungcang thaten kan zoh a silen ZUMTU pawl kan thlarau hrangah si seh, kan pumcawmnak lam khal ah si seh timtuahnak tha neih a thu pitzia a rak sim. Hna pakhat kan tuan ding tik ah timtuahnak mumal a nei cuca lo tu le timtuahnak tha zet nei ih a tuan tuih ngah mi cu an bang aw thei dah kel lo. Cuvek thotho in thil a thleng awk ding tinten timtuahnak ti mi cu a um ringring a si.Thlengawk top ti cu a um khal a si men thei nan tluang zurvi tivek an mal ngai ngai. Asinan a hlan hnak ih tha suan le hngatawk a tlak sawn kha kan hril sawn theu silo sawm! Curuangah si kha thil ziangkim hi tluang theh/ tha theh hai sehla kan duh bik theu a si lo sawm!
I. Timtuahnak Tha Nei (Preparation)
A. Bawipai pek ding mi ram thlennak dingah timtuah(Joshua 1:2b)
B. Hman theih sinak dingah timtuah (Isaiah 65:1)
C. Pathian in a lo pek mi hnatuan tha tuan suak dingah timtuah(Eph.2:10)
[Thuthimnak: Moses ih thuanthu kan zoh asilen a zir rei ngaingai soh khaw. Kum 40 sung rori a rak zir ti famcu a harsa ngaingai ding ka zum. Leitlun daan ahcun dinhmun tha zet thawn Siangpahrang inn ah um thei mi a si. Cu vek pawl ruat rero a si ahcun kum 40 sung a zir rero mi pawl kha Siangpahrang inn ah um sehla midang/sal pawl hrangah riahsiatnak riangri sawn ah a hmang ding. Asinan harsatnak tuar sawn hril in Bawipa ih kawhnak aw ngai tahrat in midang hrangah nunnak, damnak le hlawhtlingnak a rak thlen pi sawn a si.]
II. Na Dinhmun Zoh Sal (Positioning)
A. Na ton mi thil pawl ruangah beidong zet in na um pang maw?
1. Mirafah pawl bawm ding in a tiarcia ringring (Job 29:12a)
2. Bawmtu nei lo hngaktah pawl a bawm (Job 29:12b)
B. Tuih na dinhmun ah na diriam men hlah!
1. Kei timi lungput na nei sung cu mi vanduai na si (Saam 49:13)
2. Thlengawk ding in na dinhmun zoh sal aw (Heb. 7;13)
3. Na hmai lam hrangah Bawipa in tumtah mi a rak nei (Jeremiah29:11)
William Shakespeare cun “Kedan hruh ding neilo in ka um ruangah nasa tak in ka tap,asinan mi pa pakhat ke neilo ih a um kha ka hmuh tik ah ka tap rero mi ka cawl.”
[A tuih na dinhmun hi a hnget lo, thaisun ah a thlengawk thluh men thei mi dinhmun ah na um. Pumcawmnak ih na hman mi bik hnatuan tla hi hngat awk a tlak lo. Curuangah kan dinhmun zoh sal ringring a tul, tuih na dinhmun in harsatnak/ sunralnak a lo thlen pi thei ringring a si.Cunah si kha Bawipa in nan hrangah tumtah mi tha zet ka nei in rak ti, cu mi cu mi neinung kan sinak ding hrangah a si.]
III. A Tha Lomi Hlon In Thianhlimnak Tuah
A. Pathian ih timtuahsak cia mi ram kan thleng theinak ding ah a tha lomi hlon (Mathai 18:8)
B. Bawipai hmaiah a thianghlim mi tuah (Semtirnak 20:5-6)
1. Na in le ei mi pawl teh a thianghlim maw?
2. Midang hnen ih na thinlung putdan teh a thianghlim maw?
3. Na thil pek a thianghlim maw?
Conclusion
A thu kan khaikhawm sal asilen thil pakhat thlengawk ding tinten timtuahnak ti mi hi a um theu. Joshua khal in Israel hruaitu pawl hnen ih thu a cah leuhleuh mi cu timtuah uh ti kha a si. Ziangvek dinhmunnah kan um ti kha a theifiang, nithum sung rori Jordan Tiva pi tan ding an si bang tuk in rilrawn le tihal ih an um lo nak ding ah an ei ding le an in ding hrangah timtuahnak a neiter hai. Cun thil tha lo an tuah mi pawl bansan rahratin nun thianghlimnak thawn Bawipai hmai ah an um theinak dingin timtuahnak a neiter. Cuvek thotho in, kan nih Zumtu pawl tla Pathian ih in pek mi laksawng kan co mi kha tha ten timtuahnak nei in midang hrangah siangzetin hmang cio uh si. Ziangvek dinhmun ah kan um khal len caan tha kan nei mi pawl hi man nei zet le sunglawi zet in hmang cio uh si. Hmailam ah ziang kan ei/ in ding ruat in beidawng ih um pang hlah uh si, na hrangah Bawipa in tumtahnak a nei ih cu mi cu mi neinung na si theinak ding a si. Curuangah na thinlungput dan, ruahnak tha lo na neih mi pawl, ka tithei lo, ka thiam lo, mi ka banglo tiih na ruah mi pawl thleng aw. Jesuh thawng in ziangkim ka tithei, ka tuah thei, ka nei thei ti ah zumnak nei in amah a rinsan ngamtu si thei ding in Bawipa in lo thlawsuah cio hram seh.
A thu kan khaikhawm sal asilen thil pakhat thlengawk ding tinten timtuahnak ti mi hi a um theu. Joshua khal in Israel hruaitu pawl hnen ih thu a cah leuhleuh mi cu timtuah uh ti kha a si. Ziangvek dinhmunnah kan um ti kha a theifiang, nithum sung rori Jordan Tiva pi tan ding an si bang tuk in rilrawn le tihal ih an um lo nak ding ah an ei ding le an in ding hrangah timtuahnak a neiter hai. Cun thil tha lo an tuah mi pawl bansan rahratin nun thianghlimnak thawn Bawipai hmai ah an um theinak dingin timtuahnak a neiter. Cuvek thotho in, kan nih Zumtu pawl tla Pathian ih in pek mi laksawng kan co mi kha tha ten timtuahnak nei in midang hrangah siangzetin hmang cio uh si. Ziangvek dinhmun ah kan um khal len caan tha kan nei mi pawl hi man nei zet le sunglawi zet in hmang cio uh si. Hmailam ah ziang kan ei/ in ding ruat in beidawng ih um pang hlah uh si, na hrangah Bawipa in tumtahnak a nei ih cu mi cu mi neinung na si theinak ding a si. Curuangah na thinlungput dan, ruahnak tha lo na neih mi pawl, ka tithei lo, ka thiam lo, mi ka banglo tiih na ruah mi pawl thleng aw. Jesuh thawng in ziangkim ka tithei, ka tuah thei, ka nei thei ti ah zumnak nei in amah a rinsan ngamtu si thei ding in Bawipa in lo thlawsuah cio hram seh.
Tags
Sermon Outline